en
Հուսալի գործընկեր, հուսալի համակարգ

13.06.2016 | Ա.Գալստյան . «Մինչև 2019թ. Հայաստանը կունենա միջազգային չափանիշներին համապատասխան բարձրավոլտ էլեկտրացանց»

Մինչև 2019թ. Հայաստանը կունենա գրեթե 100 տոկոսով վերազինված, միջազգային չափանիշներին համապատասխանող, բարձր մակարդակի բարձրավոլտ էլեկտրացանցերի համակարգ։ Այս մասին «Կենտրոն» հեռուստաընկերության «Ուրվագիծ» հաղորդաշարին ասել է ՀՀ էներգետիկայի և բնական պաշարների փոխնախարար Արեգ Գալստյանը։ Իրականացվող միջոցառումների արդյունքում` հնարավորություն կընձեռնվի զուգահեռ աշխատել Վրաստանի էներգետիկ համակարգի հետ, դրա միջոցով դուրս գալ նաև Ռուսաստան և ԵԱՏՄ երկրներ։ Այդ նպատակով, առաջիկայում Վրաստանի հետ սահմանին կառուցվելու է Հայաստանում առաջին հաստատուն հոսանքի ներդիրով ենթակայանը։ Ըստ Ա. Գալստյանի, 2019 թվականից սկսած, գործելու է հյուսիս-հարավ էլեկտրաէներգետիկական միջանցքը։ Այժմ քայլեր են արվում Վրաստանի հետ համակարգերի համատեղ աշխատանքը կարգավորող իրավական դաշտի ձևավորման համար։ Արդեն ստորագրվել է երկու համաձայնագիր։ -Կարծում եմ, մինչև տարեվերջ կստորագրենք նաև տարանցիկ փոխանակումների մասին համաձայնագիրը։ Դրանից հետո կսկսենք աշխատել տարածաշրջանային շուկայական հարաբերությունները կարգավորող դաշտի ձևավորման ուղղությամբ, որին կմասնակցեն նաև Իրանն ու Ռուսաստանը։ Հունիսի վերջին նախատեսված է քառակողմ հանդիպում՝ Հայաստանի, Ռուսաստանի, Վրաստանի և Իրանի էներգետիկների մասնակցությամբ։ Նախատեսվում է սկսել աշխատանքները՝ էլեկտրաէներգետիկական ոլորտում տարածաշրջանային համագործակցության վերաբերյալ հաստատված ճանապարհային քարտեզով նախանշված միջոցառումների իրականացման ուղղությամբ։

 

Մեր գործընկերները