Նորություններ

«Բարձրավոլտ էլեկտրացանցեր» ընկերության աշխատանքային խումբը՝ գլխավոր տնօրեն Դավիթ Միրզոյանի ղեկավարությամբ այցելել է 220 կՎ «Արարատ-2»,  400/220/20 կՎ «Նորավան» և 220/110/ կՎ «Ագարակ-2» ենթակայաններ, դիտարկել ենթակայանների վերակառուցման աշխատանքների ընթացքը։ Այցի նպատակն էր՝ տեղում ծանոթանալ ենթակայաններում կատարված աշխատանքներին, քննարկել վերակառուցման ընթացքում առաջացած խնդիրները, ինչպես նաև առաջիկա անելիքները։

«Արարատ-2» ենթակայանի վերակառուցման աշխատանքները դիտարկելուց հետո, Դավիթ Միրզոյանը, ծրագրերի պատասխանատուներին տվել է ստույգ հանձնարարականներ՝ շինարարության ընթացքում տեղ գտած թերություններն ու  բացթողումները հստակ ժամկետներում  վերացնելու ու շտկելու ուղղությամբ։

     «Ագարակ-2» ենթակայանում «Բարձրավոլտ էլեկտրացանցեր» ընկերության կողմից ստեղծված հանձնաժողովն իրականացրել է ենթակայանի վերակառուցման շրջանակներում՝ փաստացի կատարված աշխատանքների ծավալների ճշգրտում:

    Աշխատանքային շրջայցի հաջորդ կանգառը «Նորավան» ենթակայանում էր։ Իրան-Հայաստան 400 կՎ էլեկտրահաղորդման օդային գծի և Նորավան ենթակայանի կառուցում» ծրագրի շրջանակներում «Նորավան» ենթակայանում շարունակվում են շինարարական աշխատանքները, մալուխների փռման և ջրահեռացման համակարգի բետոնացման, հողի հետլցման աշխատանքները, կատարվում են նաև բազալտե սալիկներով երեսապատման աշխատանքները: «Նորավան» ենթակայանում ևս գլխավոր տնօրենի կողմից տրվեցին հանձնարարականներ՝ ծրագրի ավարտը սահմանված ժամկետում ապահովելու համար: