Գերմանիայի զարգացման վարկերի բանկի (KfW) կողմից ֆինանսավորող «Գյումրի-2 ենթակայանի վերակառուցում» վարկային ծրագրով տնտեսված գումարի շրջանակներում մեքենամեխանիզմների և պահեստամասերի ձեռքբերման նպատակով գլխավոր մատակարարի մրցույթին մասնակցելու հայտ են ներկայացրել «Կալուգագլավսնաբ» ԲԲ /Ռուսաստանի Դաշնություն/ և «Ֆոր Դիրեքշնս Էլեկտրոնիքս» ՍՊ /Միացյալ Արաբական Էմիրություններ/ ընկերությունները:
Հունվարի 26-ին վերոնշյալ հայտատու կազմակերպությունները ներկայացրել են իրենց առաջարկները, որոնք բացվել են ըստ ստացման հերթականության: «Բարձրավոլտ էլեկտրացանցեր» ՓԲԸ-ի գլխավոր տնօրեն Արթուր Բաղդասարյանը ողջունել է հայտատու կազմակերպությունների ներկայացուցիչներին և շնորհակալություն հայտնել մրցույթին մասնակցելու համար:
Կանոնակարգի համաձայն «Բարձրավոլտ էլեկտրացանցեր» ՓԲԸ աշխատանքային խումբը կուսումնասիրի հայտատուների ներկայացրած որակավարման փաստաթղթերը:
