ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանն այցելեց «Բարձրավոլտ Էլեկտրացանցեր» ՓԲԸ, շրջայց կատարեց ընկերությունում, ծանոթացավ ընթացիկ աշխատանքներին։
Այնուհետ նախարարի պաշտոնակատարի գլխավորությամբ տեղի ունեցավ աշխատանքային խորհրդակցություն՝ ընկերության ղեկավար և ինժեներական կազմի մասնակցությամբ։
Գարեգին Բաղրամյանն ընդգծեց ընկերության նախանշած ծրագրերը սահմանված ժամկետներում և որակով իրականացնելու կարևորությունը: Այդ համատեքստում, մասնավորապես, անդրադարձ եղավ Իրան-Հայաստան էլեկտրահաղորդման գծի կառուցման, «Բարձրավոլտ Էլեկտրացանցեր»-ի ենթակայանների վերազինման ծրագրերին:
Անդրադառնալով էներգահամակարգում տեղի ունեցող կառուցվածքային և ծախսային օպտիմալացման գործընթացին՝ նախարարի պաշտոնակատարը նշեց, որ խնայված ֆինանսական միջոցները կուղղվեն ինչպես համակարգի խնդիրների լուծմանը, այնպես էլ մատուցվող ծառայությունների սակագների նվազեցմանը:
