«Բարձրավոլտ էլեկտրացանցեր» փակ բաժնետիրական ընկերությունը պաշտոնապես տեղեկացնում է, որ մայիսի 13-ին Երևանում տեղի ունեցած հոսանքազրկումները բացարձակապես չեն առնչվում «Բարձրավոլտ էլեկտրացանցեր» ընկերությանը /ԲԷՑ/ պատկանող ենթակառուցվածքներին՝ էլեկտրահաղորդման գծերին ու ենթակայաններին։
Փաստացի մայիսի 13-ին, Երևանի մի շարք վարչական շրջանների հոսանքազրկումները հետևանք են «Հայաստանի էլեկտրական ցանցեր» ընկերությանը պատկանող 110 կՎ «Վինիլ», «Հարավային-1», «Կաուչուկ» օդային գծերի վթարային անջատումների։
