«Բարձրավոլտ էլեկտրացանցեր» ընկերության աշխատանքային խումբը, գլխավոր տնօրեն Հայկ Հարությունյանի գլխավորությամբ այցելել է ընկերության «Աշնակ» և «Վանաձոր-1» ենթակայաններ՝ տեղում ծանոթանալու ենթակայաններում իրականացվող վերակառուցման աշխատանքներին:
«Աշնակ» 220/110/10կՎ և «Վանաձոր-1» 110/10/6 կՎ ենթակայանները վերակառուցվում են Վերակառուցման և զարգացման միջազգային բանկի (ՎԶՄԲ) վարկավորմամբ՝ «Էլեկտրահաղորդման ցանցի բարելավում» և «Էլեկտրամատակարարման հուսալիություն ծրագրի լրացուցիչ ֆինանսավորում» վարկային ծրագրերի շջանակներում: Ենթակայանների վերակառուցման աշխատանքներն իրականացնում է չինական «Xian Electric Engineering» ընկերությունը:
Այս ծրագրի շրջանակներում նախատեսվում է փոխարինել ենթակայանների ֆիզիկապես և բարոյապես մաշված սարքավորումները, որի նպատակն է բարձրացնել էլեկտրահաղորդման ցանցի հուսալիությունը, նվազագույնի հասցնել սարքավորումների խափանման պատճառով վթարային անջատումների քանակը, կրճատել շահագործման ծախսերը:
«Աշնակ» և «Վանաձոր-1» ենթակայանների շինհրապարակներում «Բարձրավոլտ էլեկտրացանցեր» ընկերության աշխատանքային խումբը դիտարկել է շինարարության ընթացքը, քննարկել են աշխատանքների կատարման ժամանակցույցն ու ծրագիրը նախանշված ժամկետում ավարտելու հարցերը:
