Գերմանիայի զարգացման վարկերի բանկի (KfW), Եվրոպական Ներդրումային Բանկի և Եվրամիության Հանձնաժողովի՝ Հարևանության Ներդրումային Գործիքի (“NIF”) աջակցությամբ իրականացվող «Կովկասյան էլեկտրահաղորդման ցանց (Հայաստան-Վրաստան հաղորդիչ գիծ/ենթակայաններ)» ծրագիրը 2017 թվականին կմտնի գործնական փուլ: Ծրագրի հետ կապված հարցերն ու առաջիկա անելիքները հունվարի 16-ին քննարկել են «Բարձրավոլտ էլեկտրացանցեր» ընկերության, Գերմանիայի Զարգացման բանկի /KfW/ և ծրագրի խորհրդատու՝ «Ֆիխտներ Ուոթեր և Տրանսպորտեյշն» /Fichtner GmbH & Co. KG/ ընկերության ղեկավարներն ու պատասխանատուները:
Հանդիպման ժամանակ «Բարձրավոլտ էլեկտրացանցեր» ընկերության գլխավոր տնօրեն Արթուր Բաղդասարյանը նշել է, որ պետք է համատեղել ուժերը ծրագիրը ժամանակացույցի համաձայն իրականացնելու համար, քանի որ «Հայաս¬տան - Վրաստան 400 կՎ օդային գծի ու ենթակայանների» կառուցումը ռազմավարական նշանակություն ունի Հայաստանի էներգահամակարգի համար: Այն կբարձրացնի տարածա¬շրջանի էներգահամակարգերի ան¬վտանգությունն ու ինտեգրման հնարավորությունները, Հայաստանի էներգամատակարաման հուսալիությունը, ինչը մեր երկրի համար ամենակարևոր հարցերից մեկն է:
