Ապրիլի 19-ին տեղի է ունեցել ԲԷՑ ՓԲԸ-ի և Fichtner ընկերության ներկայացուցիչների աշխատանքային հանդիպումը, որի ընթացքում քննարկվել են «Կովկասյան Էլեկտրահաղորդման ցանց - փուլ I + II A-ի և oպցիոնալ փուլ II B-ի համար շրջակա միջավայրի և սոցիալական ազդեցության գնահատում» խորհրդատվական ծառայությունների շրջանակում կատարված աշխատանքների արդյունքներն ու հետագա անելիքները:
ԲԷՑ ՓԲԸ գլխավոր տնօրեն Ա. Անանյանը ընդգծել է ծրագրի կարևորությունը, ծրագրի հանդեպ հանրային հետաքրքրությունը և շեշտել է, որ նախատեսվածի համաձայն մրցույթը պետք է հայտարարվի 2016թ-ի մայիսի վերջին:
Աշխատաքների արդյունավետությունը բարձրացնելու նպատակով որոշվել է իրականացնել՝ 400կՎ գծի ծրագծի այլընտրանք 5-ի դաշտային հետազոտությունը, Դդմաշեն /Մարաշ/Կամո ենթակայանների, Հրազդանի էլեկտրակայանների և 220կՎ ՕԳ-ների դաշտային հետազոտությունները, Այրում ենթակայանի և դեպի Վրաստան գնացող ՕԳ-ի դաշտային հետազոտությունները:
ԲԷՑ ՓԲԸ տնօրենը տեղեկացրել է, որ Հայաստանի օրենսդրության համաձայն չպետք է ծառեր/անտառներ կտրվեն` հովիտների վրայով անցնող էլեկտրահաղորդման գծի թռիչքների պատճառով:
