Մայիսի 3-ին հայտարարված համապետական շաբաթօրյակին ակտիվ մասնակցություն ունեցան ԲԷՑ ՓԲԸ-ի աշխատակիցները: Ընկերության վարչական ապարատի և «Հարավային» տեղամասի աշխատակիցները Երևան քաղաքում իրականացրեցին սանիտարական մաքրման, աղբի արտահանման, բարեկարգման աշխատանքներ ընկերության հաշվեկշռում գտնվող շենք-շինությունների, ենթակայանների, անվտանգության գոտիների տարածքներում, ինչպես նաև վարչական շենքերի հարակից տարածքներում, իսկ «Հյուսիսարևելյան», «Արևմտյան», «Գորիս» և «Զանգեզուր» տեղամասերի աշխատակիցները համապատասխան մարզպետարանների և համայնքապետարանների կողմից տրամադրված տարածքներում: Ձմեռային եղանակային պայմաններից՝ ձնհալից հետո, մաքրման աշխատանքների իրականացումն անհրաժեշտություն էր, ինչը գիտակցելով՝ վաղ առավոտից աշխատակիցները մեծ նվիրումով և բարձր պատասխանատվությամբ իրենց ամրացված տարածքներում ապահովեցին մաքրման աշխատանքների պատշաճ իրականացումը:
Շաբաթօրյակին ընդառաջ, Ընկերության կողմից նախապես մշակվել էր աշխատակարգ, որոշվել էին պատասխանատուները, իսկ շաբաթօրյակին արդեն տրամադրվել էին անհրաժեշտ պարագաներ՝ ձեռնոցներ, աղբի պարկեր, բահեր և մի շարք այլ գործիքներ: Աշխատակիցների ակտիվ ներգրավվածությունը շաբաթօրյակին վկայում է նրանց հոգատար վերաբերմունքի մասին:
